ORANJESTAD, Aruba - 9 di Juli 2019: Jonathan "Jeon" Thiel a cumpra su prome auto y el a haci esaki na Garage Cordia. Pa Jonathan Thiel e tabata un sentimento hopi emocional, pasobra esaki tabata e prome auto cu su mes a cumpra. E ta kere cu hopi hende ta sinti asina aki ora nan haya nan prome auto. Pa ta e prome auto di Jonathan Thiel, esaki tabata un bendicion. E ta contento y agradecido cu Dios p’e bendicion.
E ta haya cu su historia cu auto ta uno hopi pret, pasobra casi nunca e no ta gusta stuur auto y semper ta sinta na banda of patras aunke cu el a pasa su rijbewijs cu 18 aña. Jeon su tata a regal’e un jeep cu tabata core 1 kilometer y despues para, unda e tabata basha awa aden y despues sigui bay.
El a haya un auto cu tabata para den careda. "Ora bo ta soña pa tin un auto nobo, bo no ta pasa den e problemanan aki," el a expresa. E ta sinti cu esaki ta berdad y pa tin un auto nobo e sentimento ta cu e no ta bay daña.
Jonathan Thiel a gusta e Toyota Camry desde prome biaha cu el a mira esaki. El a pasa diferente agencia prome cu a dicidi di cumpra su auto. Nunca e tabatin un model di auto, pero ora cu el a yega na Garage Cordia, Jeon a sinti cu esaki tabata su auto. Tur cos a bay a base di e vibe, pasobra e vibe cu el a sinti na momento di yega Garage Cordia a lag’e sinti na cas. Esey a pone cu automaticamente el a sinti cu e Toyota Camry ta su auto.
Garage Cordia Aruba ta masha contento cu un celebridad internacional manera Jeon, a scoge e auto mas bendi na mundo, pa e por mobilisa den dje na Aruba. Cu esaki a keda demostra cu no ta solamente e auto ta importante, pero e servicio excepcional y atento cu ta brinda cada cliente di Garage Cordia cu ta core un Toyota, ta locual mas ta atrae clientenan nobo. Jeon ta un miembro nobo di e famia grandi di Toyota, no solamente un miho auto den calidad, pero cu ta conta cu un garashi di mecaniconan experencia, servicio na cliente excepcional y cu e surtido di piesa mas grandi na Aruba.
