Toyota Motor Corporation a anuncia e 26 feliz ganado di e concurso mundial di e "Toyota Dream Car Art Contest,". E concurso aki ta invita mucha rond di mundo pa pensa riba e futuro di mobilidad y pinta nan "auto di nan soño."
Nos, na Toyota Aruba, ta sumamente orguyoso pa anuncia cu un di gandadornan ta Evey Croes di Aruba, un hoben talentoso di 7 aña y participante den e Toyota Dream Car Art Contest di aña 2023-2024, a logra un gran exito tanto local como internacional. Evey a gana e di dos lugar den e prome categoria di e concurso di arte local, mustrando su creatividad y vision pa e futuro di mobilidad. E logro impresionante no a keda na Aruba so, pasobra e a wordo seleciona tambe como un di e mihor finalistanan mundial, competiendo contra otro muchanan talentoso di tur parti di mundo.
E trabou creativo y impresionante di Evey a captura e atencion di e hueznan no solamente na Aruba, pero tambe na nivel mundial. Cu e logro aki awor Evey tambe ta parti di e hoben nan talentoso cu a gana den e concurso prestigioso aki.
Tocante Toyota Dream Car Art Contest
E Toyota Dream Car Art Contest ta un plataforma cu ta yama hoben pa nan imagina y pinta e auto di nan soño, duna nan oportunidad pa desaroya nan talento artistico. E Toyota Dream Car Art Contest, a lansa na aña 2004, y ta invita mucha di 15 aña of menos pa liberamente imagina y crea nan propio obra di arte cu ta representa e mobilidad di futuro. Desde cu e concurso a cuminsa, un total di mas o menos 9.4 miyon pintura a wordo ricibi di 144 paisnan y regionnan. Cu un mision di “Produci Felisidad pa Tur”.
Toyota ta dedica pa crea un sociedad caminda hende por soña di un futuro mas positivo y ta kere den e poder di creatividad como forsa pa move dilanti. Toyota ta tene e concurso aki cu e speransa cu e muchanan, cu ta lanta e futuro, lo libera nan creatividat y disfruta di tene un soño.
Tocante concurso international
E di 17 edicion di e concurso nacional a wordo tene den 90 paisnan y regionnan, y un total di 712,845 entrada a wordo ricibi globalmente na Maart 2024. Esnan cu a gana den e concurso nacional y a bai automaticamente pa participa den e concurso mundial. Un mucha a Sali ganado di e grand prize y shete di e mihor finalistanan a wordo seleciona den tur di e tres categorianan. Prome categoria ta di edad 7 aña of menos, categoria dos ta 8 pa 11 aña y categoria tres di 12 pa 15 aña. Tambe como premionan special a duna, "Let’s Change the Future of Cars" Award y "Waku-Doki” Award.
E ekipo di hurado tabata consisti di shete expertonan cu ta activo den varios areanan, inclui artista, directornan di arte, periodista di mobilidad, y manehadornan di team di careda, y tambe miembro di Toyota Motor Corporation, cu ta traha pa hasi cada vehiculo mas mihor den areanan manera diseño y technologia.
E miembro di hurado a intercambia opinionnan di diferente fondo di conocemento mientras cu nan tabata hasi nan selecion, basa riba e mensahe, originalidad, y calidad artistico di cada obra. E huradonan a comenta, "E creatividad ilimita y imaginacion di e muchanan tabata realmente impresionante y a duna nos hopi idea y energia," y "Tabatin hopi obra caminda e muchanan tabata pinta locual ta pasando rond di nan y nan a expresa nan sentimento".
Mas informacion tocante e concurso mundial por wordo haña na Toyota Times:
Youtube Video
Por fabor disfruta di e 17 edicion di e obranan ku a gana premio mundial, yena cu creatividad di mucha cu ta soña di un futuro briyante.
